Preloader

საინფორმაციო ტექნოლოგიების ცენტრი მზიური

ინტერნეტშეჯიბრის წესები

ინტერნეტშეჯიბრი შედგება 8 ტურისაგან. ტურები ერთმანეთისაგან დამოუკიდებელია და ნებისმიერ ტურში შესაძლებელია მონაწილეობის მიღება იმის მიუხედავად, მონაწილეობდით თუ არა წინა ტურებში.
მიმდინარე ტურის ამოცანებისა და გავლილი ტურების შედეგების ნახვა შესაძლებელია ყოველგვარი ავტორიზაციის გარეშე. ავტორიზაციის გავლა საჭიროა მხოლოდ მაშინ, როცა მონაწილეს ამოხსნები უკვე მომზადებული აქვს და მათი გადმოგზავნა უნდა. ავტორიზაციის გავლა ხდება მომხმარებლის სახელისა და პაროლის მითითებით. ამ მონაცემებს კი მონაწილე მიიღებს მას შემდეგ, რაც გაივლის რეგისტრაციას.
მოკლედ რომ ვთქვათ, რეგისტრაციის გავლა საჭიროა მხოლოდ ერთხელ. რეგისტრაციის დროს ფიქსირდება მონაწილის მომხმარებლის სახელი და პაროლი, რომელიც მან უნდა დაიმახსოვროს და მთელი წლის განმავლობაში, ყოველთვის, როცა მიმდინარე ტურის ამოცანების ამოხსნების გადმოგზავნას დააპირებს, ამ მონაცემებით უნდა გაიაროს ავტორიზაცია.
მეორედან დაწყებული, ყოველ ტურში ორი კატეგორიაა –
პირველი ლიგა და უმაღლესი ლიგა. პირველ ლიგაში მონაწილეობის უფლება ყველას აქვს. უმაღლეს ლიგაში მონაწილეობის უფლებას მოპოვება სჭირდება. ბუნებრივია, რომ პირველ ტურში ყველა მოსწავლე პირველ ლიგაში მონაწილეობს. უმაღლეს ლიგაში მონაწილეობის უფლება შეიძლება მოსწავლემ მოიპოვოს პირველივე ტურში ან (თუ პირველ ტურში ვერ მოახერხებს) ნებისმიერ სხვა ტურში. ამისათვის მოსწავლემ რომელიმე ტურის პირველ ლიგაში უნდა მიიღოს მაქსიმალურ ქულათა რაოდენობა (9 ან 10 ქულა). მომდევნო ტურიდან მოსწავლე მონაწილეობას უკვე უმაღლეს ლიგაში მიიღებს. 

თითოეულ კატეგორიაში 5 ამოცანაა. თითეოულ ამოცანაში მოსწავლემ შეიძლება მიიღოს 2, 1 ან 0 ქულა.

ეწვიეთ ჩვენს Facebook გვერდს

კონტაქტი

გაქვთ დამატებითი კითხვები? მოგვწერეთ...

შეტყობინება