Preloader

საინფორმაციო ტექნოლოგიების ცენტრი მზიური

პრიზები

შეჯიბრში იქნება პრიზები როგორც წარმატებული მოსწავლეთათვის, ასევე აქტიური მასწავლებლებისთვის.

პრიზები მოსწავლეთათვის
სასწავლო წლის ბოლოს გამოვლინდებიან წარმატებული მოსწავლეები, რომლებიც პრიზებად მიიღებენ მზიურის ამოცანათა კრებულებს და/ან ფასიან საჩუქრებს. პრიზების მოპოვების შანსი ექნებათ იმ მოსწავლეებს, რომლებიც უმაღლეს ლიგაში მიიღებენ მონაწილეობას არანაკლებ სამ ტურში. ასეთი მოსწავლეებისთვის შედგება რეიტინგული სია, რომელიც დაითვლება მოსწავლის მიერ უმაღლეს ლიგაში აღებული სამი საუკეთესო შედეგის შეკრებით.

პრიზები მასწავლებლებისათვის
აქტიური მასწავლებლები მზიურისაგან მიიღებენ 50%-დან 100%-მდე ფასდაკლებას სხვადასხვა კურსებზე, რომლებიც ცენტრში მასწავლებლებისათვის ტარდება. ტრენინგების გავლის შემდეგ, სერტიფიცირების წარმატებით ჩაბარების შემთხვევაში, ისინი მიიღებენ კურსის შესაბამის სერტიფიკატს.
მასწავლებელთა აქტიურობის შეფასებისას დაუსწრებელ ტურებში მოსწავლეთა რაოდენობა არ იქნება გადამწყვეტი (თუმცა, ბუნებრივია, რომ იქნება სასურველი). მასწავლებლის აქტიურობის შეფასებისას ყურადღებას მივაქცევთ მის მოსწავლეთა რეგულარულობას და დამოუკიდებელი მუშაობის ხარისხს, ასევე მის მიერ გამოთქმულ შენიშვნებსა და წინადადებებს.
გაითვალისწინეთ, რომ ჩვენი შეჯიბრი მასიური არ არის - ”ჩვენ ვეძებთ ტალანტებს”. დაგვეხმარეთ მათ მოძებნაში, იაქტიურეთ ამოცანების გარჩევისას, გაგვიზიარეთ თქვენი გამოცდილება ნიჭიერ ბავშვებთან წრეობრივი მუშაობის საქმეში და შემოგვთავაზეთ თქვენი წინადადებები შეჯიბრის ეფექტურობის ამაღლებისათვის.

ეწვიეთ ჩვენს Facebook გვერდს

კონტაქტი

გაქვთ დამატებითი კითხვები? მოგვწერეთ...

შეტყობინება